ELIZE SE SUURROOM KORS VIR PASTEIE

Resep en foto:  Elize de Kock

• 750 ml (3 koppies) wit broodmeel
• 5 ml (1 teelepel) sout
• 250 g ongesoute botter
• 250 ml suurroom
• Sif die meel en sout 3 keer saam en sny of vryf die botter met jou vingerpunte in tot die botter soos klein ertjies in die meel lyk.
• Voeg al die suurroom gelyk by die meel en sny dit met ‘n mes in tot goed gemeng.
• Knie die deeg liggies met een hand tot dit ‘n bol vorm. (Moenie ekstra water byvoeg nie, hou net aan knie tot die deeg hanteerbaar word.)
• Laat die deeg 30 minute of selfs oornag in die yskas rus.
• Rol die deeg op ‘n meel bestrooide oppervlak uit en vou in derdes.
• Draai die deegpakkie sodat die oop kante na jou toe wys.
• Rol weer uit en vou weer in derdes.
• Herhaal 1 maal.
• Laat die deeg weer 30 minute rus. Herhaal die rol-en-vou proses nog 2 keer.
• Die deeg is reg om te gebruik, maar kan ook 3 dae lank verkoel of tot 3 maande lank gevries word.

Nota:
Ek het net die helfte van die resep van suurroomkors gemaak en dit was genoeg vir 1 tarentaal pastei.

ELIZE SE TARENTAAL PASTEI
Resep en foto: Elize de Kock
Vulsel op die foto:

• 1 kg nek, lies of bors van wild, haas of tarentaal, in stukke gesny
• 6 kruie naeltjies
• 3 lourierblare
• 1 knoffelhuisie
• 10 peperkorrels
• 10 ml (2 teelepels) sout
• 2.5 ml (½ teelepel) peper)
• 25 ml (2 eetlepels) asyn
• 62 ml (¼ koppie) rooi soetwyn, indien verkies
• 50 g varkspek
• Vee die vleis met ‘n klam doek af en sny dit in stukke.
• Plaas die vleis en spek, in repies gesny, in ‘n swaar kastrol en gooi genoeg water oor om dit net te bedek.
• Voeg die naeltjies en die peperkorrels by en laat 3 – 5 uur lank stadig oor lae hitte of in ‘n stadige oond by 120ºC tot 150ºC, stowe.
• Voeg die ander kruie, sout en asyn by nadat dit 2 uur lank gestowe het.
• Haal die naeltjies en die peperkorrels uit en voeg die wyn by ‘n halfuur voor dit klaar gekook het.
• Die vleis moet maklik van die bene afkom as dit gereed is. Verwyder al die bene en die velletjies en maak die vleis met ‘n vurk fyn.
• Die sous kan met meelblom verdik word wat met koue water gemeng is, indien verkies.
• LW: Dit kan ook gebruik word in ‘n pastei.