DIE REGTE METODE OM SJOKOLADE TE SMELT EN TE VERDUN
Frikkie Jones:
As jy GANACHE wil maak, werk jy per gewig: gelyke dele sjokolade en room.
Jy maak die room warm en giet dit oor die sjokolade brokkies. Laat staan 3 min en roer met ‘n spatula van die middel van die bakkie af buitetoe tot jy seker is al die sjokolade is gesmelt.
Vir ‘n SJOKOLADESOUS oor bv roomys, gebruik jy ganache soos hierbo met ½ deel kookwater by.
As jy bv koekies of vrugte wil DOOP, kan jy ganache maak met ½ deel room en 1 deel sjokolade.
Dis baie beter om die room warm te maak ipv die sjokolade, want dit kan brand of “seize” en dan sit jy met groot skade.
Gebruik altyd couverture sjokolade, dit werk en proe net beter.
Compound-sjokolade soos Nestle easymelt is nie so hitte sensitief nie, maar jy kan proe dat dit nie met kakaobotter gemaak is nie.
Moenie die sjokolade te wild roer nie. Jy gaan die glans wegvat, want dan roer jy lug in.
Karen S Homan:
As jy reeds die sjokolade gesmelt het en dis te dik, kan jy so bietjie klapperolie daarby inroer (doen dit maar so teelepel op ‘n slag) – die olie sal smelt in die warm sjokolade en dit bietjie verdun – dit behoort nie die smaak te beënvloed nie, maar dit kan jou sjokolade meer glans gee. Ek het ook al gevind as ek bak sjokolade gebruik is dit maar altyd beter om dit in ‘n glasbak oor stadig pruttende water op die stoof te doen – ek loop telkens my rieme styf as ek dit in die mikrogolf doen.
Rina Kleinhans:
Cold liquids should never be added to melted chocolate, as it can cause the chocolate to seize. Instead, ensure that your liquids are warm (but not boiling) when you add them to chocolate.
Foto: Frikkie Jones
(Turkish delight koek met donker sjokolade ganache)
