DEEG VIR PASTEITJIES

5 koppies koekmeel
395 ml kookwater
500 g botter
2 teelepels sout
10 ml bakpoeier
eiergeel, om mee te verf

Sny blok botter in blokkies en gooi die kookwater bo-oor.
Voeg dan die meel, sout en bakpoeier by en meng met ‘n lepel. Dis baie pap so skep in jiffy sakkies en druk bietjie plat. Los heelnag in yskas tot jy gaan gebruik.
Neem ‘n stuk deeg op ‘n slag en rol uit op waspapier met bietjie meel op die papier.
Hou res van deeg in yskas tot dit uitgerol moet word. Druk sirkels uit, smeer geklitste eiergeel.
Sit vulsel in. Hier het ek ‘n klein gaar frikkadel gevat.
Sit ander sirkel bo-oor en smeer eiergeel bo-oor.
Druk randtevan die sirkel met ‘n vurk vas.
Bak by 180°C tot mooi bruin. So 17 minute.

Resep: Elaine Ackerman
Foto: Ronell Muller Boshoff