BOTTER HOENDER BEDIEN MET NAAN

My man het my bederf met sy heerlike ❤💪Butter Chicken en Naan.

2 uie, gekerf
800 g hoender borsies
150 g gesoute botter
2 teelepels fyn gemmer en knoffelmengsel
2 blikke heel tamaties
500 ml ongegeurde volroom jogurt
“butter chicken” kerriespeserye
1 teelepel sout
1 teelepel borrie
1 teelepel koriander

Sny hoender in blokkies. Braai hoender in botter, klein bietjie olie en 1 teelepel speserye. Wanneer hoender gaar is verwyder uit pot. Plaas gesnyde uie in sous wat agterbly in pot.
Meng gemmer en knoffelmengsel en 2 teelepels speserye by en braai bietjie.
Skep geblikte tamatie, sout, borrie en koriander in en kook vir ‘n tydtjie.
Maak fyn met handmenger.
Sit die gaar hoender by en kook vir tydtjie.
Roer heeltyd. Roer jogurt by en kook vir ± 5 minute.
Geniet op rys, naan of saam met Ciabatta rolletjies.

Resep: C Feyt
Foto: Ilzette Feyt