BLOMKOOL- EN PREIGEBAK

1 prei, gewas en in ringe gesny
50 g botter
1 kop blomkool, in blommetjies gesny
150 ml hoenderaftreksel
100 g roomkaas
150 ml room
¼ koppie Parmesan kaas, gerasper
sout en peper na smaak
200 ml Mozzarella kaas, gerasper

Braai die prei in die botter met die deksel van die pot toe oor medium hitte vir 10 minute.
Voeg die blomkool en hoenderaftreksel by, en kook sonder deksel totdat die blomkool sag is en meeste van die aftreksel weggekook het.
Voeg die roomkaas by, sit die deksel op en prut 2 – 3 minute.
Roer nou die room, parmesan kaas, sout en peper deur, en prut nog 3 – 5 minute.
Sprinkel Mozzarella kaas bo-oor en plaas in die oond totdat die kaas gesmelt is
Bak in oondvaste bak met deksel vir 5 – 10 minute by 180˚C.

Resep en foto: Ilze Jacobs