BETS SE GESONDHEIDSBESKUIT

2,5 kg koekmeel
5 eetlepels + 2 teelepels bakpoeier
1½ teelepel sout
2½ koppies suiker
8 koekies Weetbix
3 koppies Shredded All Bran
1½ koppies hawermout (Oats)
250 g sonneblomsaad
250 g rosyne
500 g margarien
5 eiers
1 liter melk
1 koppie wit asyn
2 koppies kookolie

Sif meel, sout en bakpoeier saam. Voeg suiker by. Vryf margarien in. Voeg die Weetbix (fyn gedruk), Shredded Bran, Oats, sonneblomsaad en rosyne by. Meng goed.
Voeg die asyn by melk om die melk dik te maak. Klits eiers en olie saam en voeg dikmelk by. Meng goed en meng in by droë bestanddele. Maak aan tot hanteerbare deeg.

Druk in gesmeerde, met waspapier uitgevoerde oondpanne en bak 40 – 45 minute teen 180°C. Laat effens in panne afkoel. Keer uit op draadrak en laat koud word.
Sny in vingers en droog oornag uit in oond teen 60°C.

Resep en foto: Bets Lourens‎