Your Recipe Blog

SPEK EN AVOKADO PIZZA

Recipe by
Cook: 15 - 20 min.

SPEK EN AVOKADO PIZZA

Ek het ‘n Eureka Mills Pizza pre-mix pakkie meel gekoop, wat net met water en olie aangemaak word en ek het 3 groot pizzas se deeg uit gekry, maar jy kan 4 x 200 g deeg uit so pakkie kry.  Andersins, kan jy my beproefde “go-to-deeg” resep probeer… dit werk… glo my!

  • 2 koppie bruismeel
  • 250 ml gewone wit jogurt
  • bietjie sout

Meng alles goed saam tot ‘n elastiese deeg.
Laat rus vir 15 minute.
Rol uit en plaas in die pan waarin jy die pizza gaan maak.

  • Plaas bo-op die deeg die volgende:
  • tamatie pasta of sommer tamatie sous
  • knoffel
  • soet balsamiese asyn uie (resep onderaan)
  • Bolaag:
  • groen soetrissie, fyn gesny
  • 250 g stukkies spek
  • 6 gesnyde salami stukkies, opgesny in repies
  • swart olywe, in kwarte gesny
  • soet pikante rissies, opsioneel
  • Mozzarella kaas, gerasper
  • 1 avokado, in skywe gesny
  • 10 kappertjie saad
  • bietjie oregano

Sprei die bolaag bestanddele oor die deeg.
Sprinkel die kaas oor.
Bak in oond vir 15 – 20 minute by 180°C.

  • BALSAMIESE ASYN UIE
  • een groot ui, opgesny in ringe of blokkies
  • olie
  • 30 ml balsamiese asyn
  • 30 ml bruinsuiker

Braai die ui in bietjie olie, voeg die bruinsuiker en balsamiese asyn by die uie en laat stadig kook tot ‘n taai sous.  Gebruik bo-op jou pizza en geniet.

Resep eh foto: Heleen Brummer Nel

Category:

Leave a Review

Your email address will not be published. Required fields are marked *

*

1 2 3 4 5