Your Recipe Blog

KUMKWAT- EN GEMMERBLATJANG

Recipe by
| Servings: 300 g x 2 botteltjies

KUMKWAT- EN GEMMERBLATJANG

  • 450 g kumkwats, in kwarte gesny en ontpit
  • 15 ml growwe sout
  • 15 ml olyfolie
  • 2½ ml vinkelsaad
  • 2½ ml gemaalde swartpeper
  • 125 g dhaniablare (koljander), opgesny
  • 30 ml vars gemmer, fyn gekap
  • 2 groen brandrissies, gekap, ontpit en opsioneel
  • 5 ml masalapoeier
  • 60 ml water, plus meer indien benodig (± 120 ml)
  • 30 ml ligbruin suiker

Meng die kumkwats in ‘n groot bak met die growwe sout. Laat dit oornag in die yskas rus. Verhit die olie ‘n paar minute op medium hitte in ‘n diep pan. Voeg die vinkelsaad by. Wanneer die saad effens donkerder word na ongeveer 2 – 3 minute, voeg die gemmer en brandrissies by, roerbraai net ‘n minuut of twee saam met die gemaalde peper.
Voeg die kumkwats by. Roer goed deur. Voeg die masalapoeier na vyf minute by en roer weer. Braai en roer vir nog vyf minute, roer die water en suiker by.
Roer, en na ‘n paar minute, voeg die gekapte dhaniablare by.
Verlaag die hitte tot medium-laag en kook vir 10 minute bedek; roer af en toe om te verseker dat die blatjang nie aan die onderkant van die pan vasbrand nie.
As dit gebeur, roer meer water by, maar so 60 ml op ‘n slag.
Die mengsel moet dik en taai word. Kook totdat die blatjang ‘n dik, konfytagtige konsekwentheid bereik. Skep oor in gesteriliseerde potjies en seël dadelik.

Bedien saam met vark en hoender as ‘n bygereg.

Resep en foto: Johan Rossouw

Share this article...
Share on Facebook
Facebook
0Pin on Pinterest
Pinterest
0Tweet about this on Twitter
Twitter
Share on LinkedIn
Linkedin

Leave a Review

Your email address will not be published. Required fields are marked *

*

1 2 3 4 5