Your Recipe Blog

GEBAKTE AMARULA-TERT

GEBAKTE AMARULA-TERT

Resep wat ek by vriendin gekry het – lekkerste tert wat ek ooit geëet het.

  • Meng saam en laat afkoel:
  • 60 ml kakao
  • 125 ml kookwater
  • Beslag:
  • 3 eiers
  • 220 ml suiker
  • 60 ml olie
  • 250 ml koekmeel
  • 10 ml bakpoeier
  • 2 ml sout
  • Stroop:
  • 200 ml suiker
  • 250 ml water
  • 60 ml Amarula

Beslag:
Meng kakao met kookwater, laat afkoel. Klits suiker en olie saam en voeg eiers een vir een by. Meng goed.
Voeg afgekoelde kakao mengsel by en klits goed deur.
Sif droë bestanddele en voeg by eiermengsel, meng goed deur. Gooi in glasbak 22 cm/30 cm wat vooraf gespuit is met nie-kleefwerende middel.  Bak by 180 ºC vir 25 – 30 min.

Stroop:
Kook water en suiker vir 5 minute tot suiker opgelos is. Haal van die stoof af en voeg Amarula by, roer goed deur. Prik koek sodra dit uit die oond kom en gooi warm stroop oor. Laat heeltemal afkoel.

  • Versiering:
  • 1 blik karamel kondensmelk
  • 250 ml room, styf geklits
  • Flake vir bo-oor strooi

Smeer eers karamel kondensmelk oor  die afgekoelde koek, dan styfgeklopte room en strooi dan fyn Flake oor.

BRON- Marie Rheeder Troskie
Foto: Rachelle Reyneke

Leave a Review

Your email address will not be published.

*

1 2 3 4 5